Oh man, that’s it? After “chasing” all the 41 episodes, that’s the end of Hong Kong TVB Drama Triumph in the Skies II. It has become my daily routine to watch the drama and all has ended.
In the span of 10 years, since Triumph in the Skies I aired in 2003, it’s pretty obvious that the skills of some artistes have improved. The way they portray the characters in the show somehow matured, I feel. And needless to say, I still love Captain Samuel Tong the most. No doubt, this character may not be the most likeable of the lot, but I’m touched by the way he loves Holiday. And sometimes he’s just too cute and handsome especially when he is serious at work.
I’m not sure if this drama will be considered as big hit, but definitely is one with high viewership. At times, there were some negative remarks about some flaws. But overall, I just love the way it is.
我應該俾唔到啲專業評語，我只係想分享呢套劇. 我應該會有啲偏心…he he he… 有睇過10年前衝上雲霄嘅觀眾應該都知故事主要係講啲航空界嘅專業人士，譬如飛機師，空中服務人員，地勤人員等等嘅工作，生活同埋愛情故事. 如果冇睇嘅話, 應該都有聽過唐亦琛, Zoe啩. 唔知仲可唔可以租到個片睇嘞? 因為睇咗衝上雲霄2, 有個沖動想睇翻衝1. 追咗41集嘅劇，噉就冇咗. 真係好唔舍得, 好似少咗啲乜. 先前晚晚都坐喺部機前追, 而家冇劇煲囉。。。 我係唔係中毒太深，有啲走火入魔嘞？ 真系幾迷戀唐亦琛㗎. 其實，套劇未必係人人都鐘意睇； 唐亦琛嘅性格亦都可能唔係人人可以接受，人人都會愛佢。中間有啲拖, 結局都算係預料中. 但係對於我嚟講[衝上雲霄2]確實係唔可以錯過嘅劇集. 我就係鐘意Samuel Tong. I just love the way he is…wahahaha…
如果未睇《衝上雲霄2》, 以下係故事大概內容 (from TVB)
唐亦琛（吳鎮宇）喪失愛妻，留在英國渡過悠長假期，直至他遇到失戀流浪的何年希（陳法拉），令他提早結束假期回港並加入Skylette航空再次飛翔。認識了機長顧夏陽（張智霖），兩人性格南轅北轍，亦琛內斂，夏陽張揚，二人先後跟到港投考飛行學員的年希發生感情瓜葛，加上亦琛擔任訓練機長考核夏陽，他們在事業和愛情上都有一番較量…
夏陽的妹妹夏晨（胡杏兒）為飛機維修員，因少年不快經歷對哥哥一直心懷怨憤。唐亦風（吳卓羲）發現夏晨酷似嫂嫂蘇怡，無法對她置諸不理，最終幫助兄妹和解。夏晨對他暗生愛意，他卻害怕勾起亦琛之痛，裹足不前…
副機長高志宏（馬國明）有兩個女朋友，難以取捨又不忍傷害。他與高級機艙事務長方芮嘉（江美儀）分享秘密成為知己，最後竟發生一夜情。本是港隊游泳選手的詹子麟（羅仲謙），為退役籌謀投考機師，卻愛上代友懷孕的凌卓芝（胡定欣）……隨著飛機的起落升降，繪成了一段段傷感、離別、喜悅與重逢的故事。
相隔10年，有啲演員嘅演技明顯有進步, 比初初啱啱入行嘅演技更加有味道. 應該係呢十年嘅岁月俾咗佢地好多人生體驗. 胡定欣嘅代母角色掌握得唔錯; 羅仲謙, 馬國明嘅角色都幾搞笑; 江美儀演技老練; 胡杏兒嘅角色都幾有挑戰性, 表現都唔錯, 利用咗好多眼神同埋肢體語言… 覺得奇妙嘅係，吳鎮宇嘅演技可以咁精彩，十年前同十年後嘅今日去演繹唐亦琛呢個角色，人物形象性格表情一啲都冇變；千奇唔好誤會，我唔係話佢十年如一, 演技冇啲進步。佢嘅演技係公認㗎… 佢將唐亦琛嗰種專業, 一絲不苟, 力求完美, 死板嘅性格演繹得好好, 好透… 真係好有魅力, 好男人味囉. 就算好難過或者想喊，眼淚都會喺眼裡面轉, 眼濕濕. 間中都會流下眼淚，但係次數唔多。睇佢同Zoe嘅愛情故事都會戥佢心痛。特別係嗰段Sam面對Summer, 對住佢講對唔住。有好多嘢想講但又講唔出，眼濕濕，sigh… 仲有嗰段Sam喺台灣同Holiday講出真相; 唔可以喺zoe死嘅最後一刻陪住佢，成為Sam一直以來嘅遺憾。會有幾個人可以明白嗰種心痛，內疚嘞?
佢同何年希之間嘅愛, 特別佢守護住Holiday嘅時候, 真係好感動. 但係有時都會幾激氣㗎. 唔好睇Sam咁固執又死板又執著喎，佢都有可愛嘅一面. 就睇翻佢點氹何年希開心就知啦，冧死人. 個表情真係好cute! 我諗好難將Sam嘅好全部擺上檯. 實在太多啦. 不過，間中都會希望Sam可以好似Jayden咁, 有乜講乜或者張揚啲。矛盾… 可能呢個沉悶嘅性格就係佢最吸引人嘅地方。一個咁型嘅角色，應該好難搵第二個做到啩… 一個人，竟然可以有咁多表情…精彩！
睇下Sam啲表情先:
My Favorite Moment:
係咪好型嘞:
期待可以好快睇到吳鎮宇嘅作品…
除咗演員，梗係需要有歌撐場喇. 都襯得幾好, 真係好好聽. 鐘意Make You Feel My Love (Adele), Stop the Clock (13 / 29 / 33 / 35 / 39 集出現), Eternally Yours (30 / 31 / 35, 40 & 43 集), 等等, 真係會勾起你嘅情绪, 好感人又傷感. 上網搵, 應該唔難. 有首歌唔可以唔提㗎, 就係林子祥唱嘅主題曲. 第一次聽時, 可能你會覺得唔適合或者好搞笑. 聽多幾次就會覺得唔錯… 其實到後尾, 首歌真係入嗮腦.
家陣佢地話會拍衝上雲霄電影版，hm… 之前咪有好多好睇嘅劇集都先後拍咗電影版都係嘛嘛喎… 我諗好嘅嘢應該停留喺佢最美好嘅時刻… 唔係咩？
如果想重溫套劇, follow翻啲足本劇情, 可以上呢個網址喇：http://programme.tvb.com/drama/triumphintheskies2/
======
ps, Haven’t been typing in cantonese for a long time… Hopefully, it’s not rusty yet.
– ♥ –
